Patricia Gabeiras: “A orixe de RuralLab é moito amor á contorna”


MARÍA EIMIL


Patricia Gabeiras
Socia fundadora Fundación Gabeiras

Hai oportunidades para que o rural galego floreza de novo, pero hai que facelo con honestidade

Como valora a experiencia do Festival de Innovación Social: Ares Innova 2021? Estou esperanzada porque creamos un método de traballo moi innovador para buscar solucións en territorios como Ares. A experiencia tivo moito éxito xa que puidemos detectar os recursos da zona, tanto humanos como naturais, para crear proxectos que permitan crear un novo futuro nese territorio.

A Fundación Gabeiras foi unha das entidades que puxo en marcha RuralLab. Como xurdiu o proxecto? Eu son galega, de Ares, e xurdiu pola sensibilidade ante o deterioro dos recursos, como o monte, o campo, e ao ver que non hai esperanzas de emprego na zona. Por iso pensamos como podiamos aplicar a este territorio metodoloxías de traballo que estaban a usarse noutras zonas. En definitiva, a orixe de RuralLab é moito amor á contorna e certa responsabilidade ecolóxica, medioambiental e de futuro.

Como pode loitar Galicia contra a despoboación? Con esperanza. Hai oportunidades para que o rural galego floreza de novo, pero hai que facelo con honestidade, responsabilidade e dunha forma participada, tendo en conta as iniciativas que xa existen.

Coa pandemia hai máis xente que quere vivir no rural. Así é, pero agora o gran reto é poñer en valor a actividade que se está a facer dende o rural para que a xente poida apostar pola vida no campo.

E que iniciativas saíron no festival? Saíron unhas oito iniciativas; unha delas para aproveitar o excedente das hortas de Ares, que é como unha mini Galicia porque ten campo, mar, monte… un pouco de todo. Unha delas foi aproveitar o exceso de froitas e verduras das nosas hortas para distribuílas. Outra foi repensar o Montefaro, recuperar o bosque autóctono e convertelo nunha fonte de ingresos. En definitiva, RuralLab consegue localizar talento e formar equipos para abordar este tipo de iniciativas.

Festival Ares
Patricia Gabeiras no Festival Ares Innova 2021

Artículo anterior

La gala de los Paraugas, un evento para recuperar la sonrisa de todo un sector tras la pandemia

Siguiente artículo
Alberto Barreiro

Alberto Barreiro: “A pandemia amosou a oportunidade que supón vivir no rural”