Puig lanza un packaging novidoso que permite coñecer a familia olfativa dunha fragrancia escaneando un código QR
FELIPE VIEIRA
A marca Puig vén de crear AI.LICE, unha nova tecnoloxía que axuda aos consumidores a identificar de xeito doado e en tempo real o aroma das fragrancias sen ter que probalas. AI.LICE, o nome desta tecnoloxía, está inspirado en Alicia a través do espello e funciona do seguinte xeito: ao chegar á perfumería, convídase ao cliente a escanear un código QR co seu smartphone. Dende ese momento, ao enfocar os frascos ou packagings coa cámara do dispositivo móbil, AI.LICE analiza automaticamente a información recibida a través dunha base de datos de perfumes e amosa os resultados na pantalla do teléfono.
AI.LICE resalta na pantalla a familia olfativa de todas as fragrancias enfocadas, así como os seus ingredientes dominantes. A ferramenta ofrece tamén información sobre produtos dispoñibles na perfumería que coinciden coas preferencias do cliente.
O nome do dispositivo tecnolóxico está inspirado en Alicia a través do espello
Magic Monocle
Para presentar a tecnoloxía AI.LICE, Puig traballou con Penhaligon’s para crear Magic Monocle. Esta ferramenta dixital, que se está probando nas boutiques de Penhaligon’s do Reino Unido e Asia, axuda aos consumidores a navegar entre a oferta olfativa da marca mentres crea unha listaxe de desexos de produtos para probar e poder adquirir.
AI.LICE resalta na pantalla do móbil a familia olfativa e os ingredientes dominantes de todas as fragrancias enfocadas
Por vez primeira, os amantes das fragrancias poden acotar doadamente a oferta dispoñible nas perfumerías axustándoa aos seus gustos persoais, sen sentirse perdidos ou confundidos por múltiples opcións. Un paso máis alá no mundo do packaging grazas ás innovacións tecnolóxicas.
