O encargado de impartir o afterwork será o recoñecido consultor Miguel Ángel Souto
FELIPE VIEIRA
O consultor e formador Miguel Ángel Souto será o encargado de liderar un afterwork do Clúster da Comunicación de Galicia titulado Venda híbrida: a fusión das áreas comercial e de marketing. A sesión se desenvolverá o vindeiro mércores, 20 de abril, a partir das 19:30 horas.
A través da súa intervención, Souto tentará respostar ás seguintes preguntas: como lograr que un equipo comercial dea resposta ao novo cliente híbrido: dixital e físico?; como teño que facer para actualizar o meu proceso de prevenda e posvenda?; e que accións debe facer o márketing en fusión con vendas e que novas ferramentas de márketing debe coñecer todo vendedor?
O afterwork desenvolverase o vindeiro 20 de abril a partir das 19:30 horas
En definitiva, Miguel Ángel Souto explicará aos asistentes como os equipos comerciais deben dixitalizarse para atender ao actual cliente, algo que el xa comprobou sobre o terreo nos seus máis de 25 anos de experiencia profesional.
Un novo paradigma comercial
Falamos de vendas híbridas para referírmonos a un novo paradigma comercial no que o profesional se move entre o mundo dixital e o presencial. O vendedor híbrido enfróntase a un escenario omnicanal onde se conecta co seu cliente de principio a fin, cunha gran adaptabilidade a cada medio.
Hoxe sabemos que o cliente pasou por case o 60% do proceso de compra antes de interactuar coa empresa ou co vendedor. Normalmente, o cliente percorre ese camiño só, navegando por Internet e atopando a información que lle interesa. Busca en Google, entra en foros, interactúa en diferentes redes sociais e le os seus correos electrónicos.
O vendedor híbrido enfróntase a un escenario omnicanal
Entre outros aspectos fundamentais, o traballo do departamento de márketing consiste precisamente en impactar nesta fase inicial nos clientes actuais e potenciais. Existen varias formas de facelo: campañas de anuncios sociais, SEM, SEO, inserción de banners publicitarios en medios, contido orgánico en redes sociais, etc.
Pero que pasaría se implicamos ao departamento de vendas e á súa intelixencia de mercado, froito de estar tan preto do cliente? A efectividade destas campañas será moito maior se o vendedor informa ao márketing para optimizar a segmentación, o contido e as canles para impactar na audiencia.
Leads
Unha vez obtidos os contactos, o que en márketing se chaman leads, é o momento de levalos a un fluxo de traballo para avanzar na súa decisión de compra, ata que o lead estea suficientemente cualificado para trasladar estes datos ao departamento comercial.
Souto Fraga ten traballado en numerosas empresas e marcas de prestixio galegas como Sargadelos, o Grupo La Voz de Galicia, Diario de Pontevedra ou Joyerías Calvo. Posúe experiencia na área de vendas, desenvolvemento de redes comerciais, márketing dixital e eventos, xestión directa de contas e clientes e captación e xestión de patrocinios, entre outros asuntos. A inscrición a este afterwork é gratuíta.
A pandemia, orixe dos afterworks
O Clúster da Comunicación de Galicia puxo en marcha los Afterworks At Home durante a pandemia e se retomaron en setembro deste ano, tralo parón estival, cunha sesión sobre a sostibilidade na produción gráfica.
