A entrega dos III Premios Galicia de Innovación e Deseño terá lugar no Hotel Monumento San Francisco de Santiago de Compostela a partir das 19:00 h
REDACCIÓN
Un ano máis, a Vicepresidencia primeira e Consellería de Economía, Industria e Innvoación convoca os III Premios Galicia de Innovación e Deseño co obxectivo de recoñecer o traballo de profesionais e empresas referentes ao servizo do desenvolvemento económico e social de Galicia.
A cerimonia de entrega destes galardóns terá lugar mañá, 20 de decembro, no Hotel Monumento San Francisco de Santiago de Compostela. Alí, a partir das 19 horas, daranse a coñecer os gañadores e gañadoras nas seis categorías deste certame (Profesionais, Talento emerxente e Empresas no apartado de Deseño; e Pequena e mediana empresa, Grande empresa e Traxectoria innovadora no campo da Innovación).
Estes premios teñen como obxectivo recoñecer o traballo de profesionais e empresas referentes
Estes premios son unha iniciativa da Axencia Galega de Innovación, dependente da Vicepresidencia primeira e Consellería de Economía, Industria e Innovación; que dotan de 15.000 € para cada un dos premiados, mentres que os recoñecementos para a traxectoria innovadora na categoría de grande empresa e o premio para empresas no apartado de deseño terán carácter honorífico.
Finalistas dos III Premios Galicia Deseño e Innovación
Profesionais de recoñecido prestixio integraron o xurado que seleccionou as persoas e empresas finalistas para as categorías das que consta o certame:
Deseño:
- Profesionais: profesionais do deseño (persoas ou equipos) cunha traxectoria de alomenos dez anos de recoñecido prestixio no sector: equipos creativos dos estudios Costa Comunicación Visual (membro do Clúster da Comunicación de Galicia), Isaac Piñeiro Meira e MMASA.
- Talento emerxente: creadores e creadoras de ata 35 anos de idade cunha traxectoria profesional inferior a dez anos: Raquel Fernández Caamaño, Roberto Costas Fernández e Sara Regal Alonso.
- Empresas: empresas consolidadas que incorporaron o deseño á súa estratexia empresarial ao longo de, como mínimo, a última década: Hifas da Terra, Unvi Carroceros e Vertifil Industrial.
Innovación:
- Pequena e mediana empresa: pemes con demostrada actividade innovadora durante alomenos os últimos cinco anos: Alen Space, Centum Research&Technology e Little Electric Car España.
- Grande empresa: grandes empresas con actividade innovadora ao longo de, como mínimo, a última década: Compañía Española de Algas Marinas (Ceamsa), Puentes y Calzadas e Unvi Carroceros.
Asistencia
As persoas interesadas en acudir á cerimonia de entrega dos premios deben cubrir este formulario de inscrición aloxado na páxina web da Axencia Galega da Innovación.
